Асветніцкі праект у Навагрудку

22.11.2013 г. адбылася традыцыйная сустрэча Заслужанага калектыву “Нацыянальны акадэмічны канцэртны аркестр Беларусі” і яго кіраўніка маэстра Міхаіла Фінберга з жыхарамі Навагрудчыны.
Канцэртныя выступленні былі прысвечаны 215-й гадавіне з дня нараджэння Адама Міцкевіча. Выступленні аркестра адбыліся ў залах Навагрудскай дзіцячай школы мастацтваў і ў раённым Доме культуры.
Падрабязней чытайце - >>> на сайце Нацыянальнага акадэмічнага канцэртнага аркестра (Фінберг)

Мастацкая выстаўка "Паэту - Нёманскі вянок"

З 1.11.2013 г. у музеі экспануецца калектыўная мастацкая выстаўка (жывапіс, графіка, скульптура) "Паэту - Нёманскі вянок", прымеркаваная да 215-годдзя з дня нараджэння Адама Міцкевіча.
Аўтары: Гоманаў Леанід, Ладуцька Фёдар, Лычкоўскі Андрэй, Мішчанка Мікалай, Філіповіч Алесь, Філіповіч Яраслаў, Шунейка Яўген, Эльяшэвіч Марына.

У час прэзентацыі выстаўкі аўтарамі была падаравана музею кніга - "Pisma Adama Mickiewicza. Tom VIII. - Warszawa, 1858. - лекцыі Адама Міцкевіча ў Каледж Дэ Франс 1841-1843 гг.

--На фота (злева): артыкул аб выстаўцы ў навагрудскай раённай газеце "Новае жыццё" (09.11.2013 г.) >>>клікні на фота
--Артыкул "У навагрудскай "падземцы"" пра адкрыццё выставы і аўтараў - >>> на сайце праекта "Выток Нёмана - выток духоўнасці"

---

215-летию Адама Мицкевича посвящается
2 октября 2013 года в районном Доме культуры состоялась творческая встреча, посвященная 215-летию со дня рождения Адама Мицкевича.
В программе:
- концерт «Мелодыі Навагрудскага краю» (ГУО «Новогрудская детская школа искусств»), - спектакль по мотивам поэзии А.Мицкевича «Огненный жар любви» (театр «ZGRYZ», г.Сувалки, РП).

Участники делегации во главе со старостой Сувалок посетили наш музей, где обсудили планы дальнейшего сотрудничества с музеем.

---

Фотавыстаўка "Помнікі А.Міцкевічу ў свеце"

З 13.09.2013 г. у музеі працуюць выстаўкі:
- Фотавыстаўка "Помнікі А.Міцкевічу ў свеце">, на якой прадстаўлена 30 фатаграфій помнікаў, якія ўстаноўлены ў гарадах Беларусі, Польшчы, Літвы, Украіны, Расіі, Чэхіі, Германіі, Францыі.

ЮБІЛЕЙ МУЗЕЯ
13-14 верасня 2013 г. Дом-музей Адама Міцкевіча адзначыў свой юбілей - 75 гадоў з часу адкрыцця. Мы прэзентавалі новыя выстаўкі, быў канцэрт класічнай музыкі, выступленне тэатра "Зьніч" Белдзяржфілармоніі, былі віншаванні і падарункі.

Смотрите видеосюжет телеканала ОНТ:

Фотаальбом юбілейных мерапрыемстваў глядзіце на нашай старонцы ў Фэйсбуку - >>> ЮБІЛЕЙ: Дому-музею Адама Міцкевіча 75 гадоў
Дзякуем усім за віншаванні! :-)

---

"Kraj lat dziecinnych"

09.08. - 09.09.2013 г.

З нагоды 75-годдзя з часу адкрыцця дома-музея прадстаўляем свой чарговы праект - мастацкую выстаўку з фондаў музея, на якой гладачы могуць пазнаёміцца з выявамі Навагрудка.

На выстаўцы экспануюцца творы мастакоў Напалеона Орды, Кастуся Качана, Віктара Залаціліна, Аляксея Будзейкі, Уладзіміра Грэка, Вольгі Раманоўскай і фатографаў Віталя Раковіча і Ігара Пешахонава-Міцкевіча.

Клікні на фота

---

Конкурс “Прысвячэнні Песняру” да 215-годдзя з дня нараджэння А.Міцкевіча


Ты нарадзіўся ў сэрцы Беларусі.
Тваёю першай нянькаю былі
Яе паданні, што наўкол жылі,
Яе напеў, якім звінелі гуслі…
Суровы краю лёс цябе прымусіў
Пець не на мове роднае зямлі,
Але, вялікі і ў любві і ў скрусе,
Ты стаў і вечнай славай Беларусі !

Ніл Гілевіч “Санет Адаму Міцкевічу”.


24 снежня спаўняецца 215 гадоў вялікаму навагрудчаніну Адаму Міцкевічу. Ён быў любячым сынам. Чытаючы яго творы, яго лісты, успаміны аб ім сучаснікаў, здаецца, не было ў яго жыцці ні аднаго дня, каб ён не ўспамінаў Радзіму. Колькі любові, болю, тугі ў словах яго прызнання: “І вечна сняцца мне Навагрудак і Туганавічы…”

З нагоды 215-годдзя з дня нараджэння паэта ў Доме-музеі Адама Міцкевіча ажыццяўляецца некалькі праектаў, а таксама праводзіцца конкурс “Прысвячэнні Песняру”. Прыняць ўдзел у конкурсе можа кожны ахвотны. Для ўдзелу неабходна да 1 верасня 2013 года даслаць свае работы:


- літаратурныя творы (вершаваныя, празаічныя);
- пераклады (творы паэта на іншыя мовы);
- малюнкі;
- фотаздымкі.

Усе работы павінны быць адрасаваны ці прысвечаны Адаму Міцкевічу. Творы дасылаюцца ў рукапісным, друкаваным ці электронным варыянце на электронны адрас музея gaiba@tut.by, mickiewicz@tyt.by або на паштовую скрыню: 231400, г. Навагрудак, вул. Леніна, 1.
Абавязкова пазначце, калі ласка, звесткі пра сябе: імя і прозвішча, род заняткаў, кантактныя дадзеныя (адрас і тэлефон, электронны адрас).