ВЫСТАЎКІ, ПАДЗЕІ 2016 года:
Усе фатаграфіі адкрываюцца ў большым фармаце па кліку
З Новым годам!
Новыя публікацыі ў СМІ
Расказ дырэктара музея пра дакументальны фільм, зняты ў Навагрудку ў 1931 г. - "Жывая" гісторыя //Новае жыццё. 17.12.2016.
Да дня нараджэння Адама Міцкевіча - М.Гайба "І паэт і настаўнік"//Новае жыццё. 24.12.2016.
23.12.2016 г. дырэктар музея М.Гайба прыняў удзел у навукова-практычнай канферэнцыі "Роля бібліятэкі ў грамадскім жыцці рэгіёна" з дакладам "Адам Міцкевіч як чытач".
Канцэрт "Навагодні настрой"
адбыўся ў салоне музея 22.12.2016 г. Канцэрт падрыхтаваў Навагрудскі Цэнтр культуры і мастацтваў.
Да дня нараджэння паэта
22.12.2016 г. школьнікі наведалі музейныя выстаўкі і паглядзлі тэлефільм "Свіцязь" па аднайменнай баладзе А.Міцкевіча
Новыя публікацыі пра музей
Пад рубрыкай "Туризм без чемодана" газета "Гродзенская праўда" апублікавала вялікі матэрыял пра Навагрудчыну, у тым ліку і пра дзейнасць музея - Пешком по столетиям: приглашает Новогрудок // Гродзенская праўда. 14.12.2016.
Чытаць артыкул >>>Газета "Гродзенская праўда">
"Краязнаўчая газета" апублікавала матэрыял пра наведванне міцкевічаўскіх мясцін, у т.л. і музея ў Навагрудку - Шляхам Адама Міцкевіча// Краязнаўчая газета. №46 (снежань) 2016.
Аб мерапрыемстве ў музеі - Сустрэча з паэтамі //Новае жыццё.__.10.2016.
Аб прэзентацыі выстаўкі і народных майстрах - Таямніцы мастацтва//Новае жыццё. 07.12.2016.
Прэзентацыя выстаўкі "Таямніцы майстэрства"
прайшла 02.12.2016 г. Прысутнічала звыш 40 чалавек -аўтары твораў, іх сябры, знаёмыя, жыхары Навагрудка.
Супрацоўнікі Цэнтра рамёстваў правялі майстар-класы па выцінанцы, саломапляценю, тканню пасаў (паясоў) і інш.
Выстаўка "Таямніцы майстэрства" ад Навагрудскага раённага цэнтра рамёстваў
Выстаўка працуе з 01.12.2016 г. Прадстаўлены работы ў тэхніках: выцінанка-выбіванка, саломапляценне, аплікацыі з саломкай, роспіс па шклу, лапікавае шыццё (пэчварк), аўтарскія лялькі, тканыя паясы.
Прэзентацыя выстаўкі (з удзелам аўтараў работ) адбудзецца 2 снежня 2016 г. (пятніца) у 14.30. ЗАПРАШАЕМ!
Падзяка ад турыстычнай кампаніі "Віаполь" Дом-музей атрымаў пісьмо-падзяку ад турыстычнай кампаніі ТДА "Віаполь" "за плённае супрацоўніцтва ў 2016 годзе.
Узаемна дзякуем калектыву "Віаполь" (дырэктар Галіна Патаева) за тое, што ў перыяд з 1 мая па 4 лістапада кожную пятніцу музей наведвалі зборныя групы ад гэтай кампаніі.
Фота можна павялічыць
Беларустурыст 16.11.2016 г. музей наведалі кіраўнікі турысцка-экскурсійнага ўнітарнага прадпрыемства "Беларустурыст" на чале з генеральным дырэктарам Людмілай Сянькоўскай.
(На фота: першая справа).
02.11.2016 г. дом-музей наведалі супрацоўнікі Дзяржаўнага музея гісторыі беларускай літаратуры (г.Мінск) на чале з яго дырэктарам Яцкевічам З.Л.
Калегі пазнаёміліся з экспазіцыяй музея. Былі абмеркаваны планы ўзаемасупрацоўніцтва.
Дэлегацыя ўрачоў з Грузіі 28.10.2016 г. прадстаўнікі рэспубліканскага камітэта Беларускага прафсаюза работнікаў аховы здароўя і група грузінскіх урачоў наведалі дом-музей.
Варта адзначыць, што ў г.Тбілісі ёсць вуліца Міцкевіча.
21.10.2016 г. Прэм'ер-міністр Рэспублікі Беларусь А.У.Кабякоў у час рабочай паездкі ў Навагрудскі раён наведаў Дом-музей Адама Міцкевіча.
Выстаўка "Радавод Міцкевічаў"
З нагоды "Дня маці" у музеі 12.10.2016 г.адкрылася выстаўка "Радавод Міцкевічаў", якая будзе экспанавацца да 22.11.2016 г.
У галерэі музея прадстаўлены таксама карціны беларускіх мастакоў з фондаў нашага музея.
ІІІ Нацыянальны форум "Музеі Беларусі" у Магілёве
Форум адбыўся ў Магілёве 01-02.10.2016 г..
Дом-музей Адама Міцкевіча прадставіў выстаўку аб гісторыі музея, аб ушанаванні памяці А.Міцкевіча ў Беларусі. Было шмат наведвальнікаў, былі цікавыя прэзентацыі і карысныя сустрэчы. Музею ўручаны дыплом за ўдзел у Нацыянальным форуме.
У музеі калегі з музеяў Латвійскай Рэспублікі 22.09.2016 г. Супрацоўнікі музеяў Латвіі (20 чалавек) наведалі дом-музей Адама Міцкевіча.
Праведзена экскурсія, адбылася зацікаўленая гутарка аб магчымасці супрацоўніцтва нашага музея з музеямі Латвіі.
Творчая сустрэча "Літаратурная палітра з паэтамі Навагрудчыны" 22.09.2016 г. Сустрэча праведзена ў супрацоўніцтве з аддзяленнем дзённага знаходжання людзей сталага ўзросту ДУ "ТЦСАН".
Свае вершы чыталі Аляксандар Гоцка і Марыя Быт. Аляксандар Запольскі чытаў вершы класікаў. Мерапрыемства доўжылася паўтары гадзіны.
Генеральны консул Рэспублікі Польшча 14.09.2016 г. дом-музей Адама Міцкевіча наведаў генеральны консул Генеральнага консульства Рэспублікі Польшча ў Гродне спадар Яраслаў Ксёнжэк.
Шляхецкі баль у музеі - СМІ (Фота можна павялічыць)
1 - "На бал в дом Мицкевичей" - Гродзенская праўда. 14.09.2016. Чытаць артыкул у "Гродзенскай праўдзе" >>>
2 - "На балі ў музеі Міцкевіча" - "Новае жыццё". 14.09.2016.
3 - Сюжэт на тэлебачанні - Тэлекампанія "Ново-ТВ" >>>
Шляхецкі баль у доме Міцкевічаў (Фота можна павялічыць)
прайшоў 10.09.2016 г.
Удзельнікі: клуб гістарычна-культурнай рэканструкцыі "Паўночная вежа" (г.Віцебск), танцавальны калектыў "Гармонія" (г.Навагрудак) пры ўдзеле Музея-сядзібы Міхала Клеафаса Агінскага (аг. Залессе, Смаргонскі раён).
У праграме:
мультымедыйная презентацыя аб гісторыі баляў, модзе, варыянтах баўлення вольнага часу шляхтай у 19 ст., віктарына, танцы (пад музыку) 19 стагоддзя (калектыў "Гармонія"), майстар-клас па навучанню танцамі для прысутных на балю.
Баль працягваўся дзве гадзіны. Прысутнічалі і ўдзельнічалі ў балю студэнты гандлёва-эканамічнага каледжа, жыхыры Навагрудка і наведвальнікі музея. Было вельмі цікава!
04.09.2016 г. - персанальная фотавыстаўка Віталя Раковіча (г.Мінск) "Ілюстрацыі да гісторыі"(Фота можна павялічыць)
Прадстаўлены фатаграфіі архітэктурных помнікаў Беларусі.
Больш фота і тэкст пра выстаўку на сайце аўтара >>>
""Кодэкс аб культуры - гэта вельмі зручна"" - газета "Звязда"
27.08.2016 г. у рэспубліканскай газеце "Звязда" апублікаваны разважанні дырэктара дома-музея Адама Міцкевіча Мікалая Гайбы аб Кодэксе аб культуры.
Дом-музей Адама Міцкевіча прыняў удзел (прадставіў выстаўку-прэзентацыю) у час правядзення асветніцкага мерапрыемства "Вечар на замку".
"Паслухаць пласцінку і..." - газета "Звязда"
25.08.2016 г.
"У Навагрудку цяпер можна пажыць у нумары, у якім спыняўся Уладзімір Высоцкі. Легендарны спявак і акцёр навендваў Навагрудчыну ў 1969 годзе... - адзначае дырэктар дома-музея Адама Міцкевіча Мікалай Гайба" <...>
У госці да калег 22.08.2016 г. супрацоўнікі нашага музея зрабілі азнаямляльную паездку па маршруце Навагрудак-Гальшаны-Баруны-Крэва-Залессе-Смаргонь-Ашмяны-Навагрудак.
Наведалі Музей-сядзібу Міхала Клеафаса Агінскага, Смаргонскі гісторыка-краязнаўчы музей, Ашмянскі краязнаўчы музей імя Ф.К.Багушэвіча. Дзякуем калегам за цёплы прыём!
Прэзентацыя музея 21.08.2016 г.
музей у чарговы раз (на працягу трох месяцаў) прэзентаваў сваю дзейнасць на Замкавай гары Навагрудка, непадалёк ад помніка Адаму Міцкевічу.
17.08.2016 г.
Турысты з Францыі ў доме-музеі каля мадэлі помніка Адаму Міцкевічу ў Парыжы.
Бронзавы "мадэль помніка" - адзіны экспанат у музеі, які захаваўся з нашага даваеннага музея (1938 г.). Помнік у Парыжы быў устаноўлены ў 1929 годзе.
Падзякі музею(Фота можна павялічыць)
15.08.2016 г.
1. Падзяка Свята-Елісееўскага мужчынскага манастыра "за неаднаразовае добраахвотнае правядзенне гутарак па гісторыі г.Навагрудка са студэнтамі і навучэнцамі, якія ўдзельнічаюць у Лаўрышаўскіх археалагічных экспедыцыях" (Подпіс: ігумен манастыра Яўсевій Цюхлоў і кіраўнік экспедыцыі, прафесар С.Я.Рассадзін).
2. Падзяка ад Рэспубліканскага інстытута вышэйшай школы "за садзейнічанне ў забяспячэнні экскурсійнай праграмы для ўдзельнікаў ІІ Міжнароднай летняй школы беларусістыкі" (Подпіс: рэктар В.А.Гайсёнак)
Цырымонія рэгістрацыі шлюбу
адбылася ў музеі 12.08.2016 г. Цікава, што маладыя вырашылі правесці ў музеі афіцыйную рэгістрацыю шлюбу па рэкамендацыі сваіх сяброў, якія рэгістравалі ў музеі свой шлюб шэсць гадоў таму.
"К Адаму в гости" - газета "Вечерний Минск"
11.08.2016 г. "К Адаму в гости" - интервью газеты "Вечерний Минск" с директором музея Николаем Гайба. Тираж газеты 110 тыс.экз.
Спасибо за содействие Туркомпании "Виаполь" (директор Галина Потаева), с которой наш музей сотрудничает много лет. Каждую неделю от "Виаполь" у нас группа туристов, в т.ч. в туре "Под звездой Новогрудка"
Читать статью >>> "Вечерний Минск">
Тэматычны нумар У.Высоцкага
24 ліпеня 2016 г. у гасцініцы "Навагрудак" адкрыўся тэматычны нумар Уладзіміра Высоцкага. На адкрыцці дырэктар музея Мікалай Гайба прадставіў прысутным кнігі У.Высоцкага з уласнай бібліятэкі (машынапісная кніга, пераклады вершаў У.Высоцкага на беларускую мову).
На фота: артыкул у газеце "Новае жыццё" 27.07.2016 г.
15.07.2016 г. у эфіры тэлеканала "Навагрудскае тэлебачанне" ("Ново-ТВ") дэманстраваўся сюжэт пра дзеючую ў музеі выстаўку ікон мастака Ядзвігі Сянько.
У дзень Незалежнасці Рэспублікі Беларусь 03.07.2016 г. дом-музей прадставіў наведвальнікам выстаўку на тэрыторыі музея. Дэманстраваліся карціны з фондаў музея, звязаныя з творчасцю Адама Міцкевіча, а таксама банерная выстаўка.
85 гадоў назад адкрылі Курган памяці Адама Міцкевіча
28.06.2016 г. з гэтай нагоды каля Кургана дом-музей прадставіў выстаўку "Помнікі А.Міцкевічу". Свае выстаўкі падрыхтавалі гістарычна-краязнаўчы музей, раённая бібліятэка, цэнтр рамёстваў. Цэнтр культуры паказаў тэатралізаваную пастаноўку "На зямлі легендарнай ліцвінкі". Курган Адама Міцкевіча ў Навагрудку - адзіны ў Беларусі Курган у памяць чалавека. Гісторыя яго ўзвядзення тут - >>> Курган Адама Міцкевіча
Выстаўка ікон мастака Ядзвігі Сянько
Выстаўка працуе 01.07. - 31.07.2016 г.
Чытаем творы Элізы Ажэшкі разам
10.06.2016 г. творы Элізы Ажэшка чыталі і распавядалі пра яе супрацоўнікі раённай бібліятэкі (яны прадаставілі і кніжную выстаўку), музея, а таксама наведвальнікі музея з Польшчы. Зацікаўленымі слухачамі былі навучэнцы Навагрудскага гандлёва-эканамічнага каледжа.
Цырымонія рэгістрацыі шлюбу ў музеі
адбылася 10.06.2016 г. Маладыя і ганаровыя сведкі былі ў стылізаваных нацыянальных строях.
Выстаўка з Пасольства Італьянскай Рэспублікі
Фотаыстаўка пад назвай "Зямлестаянне: Эмілья-Рамана 2012" распавядае пра зямлетрасенне ў гэтай паўночнай правінцыі Італіі, у гарадах Балонья, Ферара і іншых, якія ў свой час наведваў і Адам Міцкевіч.
У Навагрудку прайшлі Дні культуры Рэспублікі Венесуэла.
У раённым Цэнтры культуры 20.05.2016 г. дом-музей прадаставіў выстаўку-прэзентацыю, якую наведаў Надзвычайны і Паўнамоцны пасол Венесуэлы ў Рэспубліцы Беларусь Хасэ Боггіано Перыччы з жонкай Элізабет Коромото Мора дэ Боггіано, іншыя афіцыйныя асобы, жыхары Наваггрудка.
У гэты ж дзень з выстаўкай пазнаёміліся і ўдзельнікі раённага сходу па выбарах дэлегатаў на 5-ты Усебеларускі народны сход.
"Ноч музеяў" 18.05.2016 г.
- выстаўка з фондаў Пасольства Рэспублікі Італія ў Рэспубліцы Беларусь “Паўночная Італія: землястаянне ” - з 15.00-23.00
- выстаўка “Запавет Песняра: жыццёвы і творчы шлях Якуба Коласа” з 10.00 да 23.00 (з фондаў мемарыяльнага музея Я. Коласа г. Мінск).
- літаратурна-музычная кампазіцыя “Адам і Марыля” - з 16.00-17.00
- кампазіцыя "Спатканне з Тызенгаузам" - 17.20.
- анімацыйная праграма “На зямлі легендарнай Ліцвінкі” - з 18.00-19.00
- дэманстраваліся фільмы пра Адама Міцкевіча.
(18.05.2016.)
"Ад Міцкевіча да Міцкевіча" - газета "Культура" 05.2016.
"Пакуль я старасці не адчуваю" // "Новае жыццё" 12.05.2016.
"Ночь, замок, иллюзии" // "Гродзенская праўда". 18.05.2016.
"Ноч музеяў і кніжкі з... сала // "Культура". 28.05.2016.
Госці музея 30.04.2016 г. музей наведалі пасол Расійскай Федэрацыі ў Літоўскай Рэспубліцы А.І.Удальцоў і папярэдні пасол Рэспублікі Беларусь у Літоўскай Рэспубліцы У.Н.Дражын. (Фота можна павялічыць).
27.04.2016 г. Рэкламны банер пры ўездзе ў г.Навагрудак на вуліцу Міцкевіча з боку г.Дзятлава.
22.04.2016 г. у Навагрудку прайшоў рэспубліканскі турнір па грэка-рымскай барацьбе памяці Адама Міцкевіча сярод навучэнцаў дзіцячых спартыўных школ.
19.04.2016 г. - Тэлесюжэт пра выстаўку "Запавет песняра: Якуб Колас"
Здымкі тэлекампаніі ""Ново-ТВ". Глядзець з 23 мінуты 30секунды.
Сюжэт з прывязкай да часу - https://youtu.be/NyaNUXSlbnM?list=PLE88B5DEBBECDF272&t=1352
У кіёску музея можна набыць кнігі
09.04.2016. - "Музей у СМІ" >>> "Музеі горада запрашаюць" (Аб пачатку працы ў музеі выстаўкі "Запавет песняра: жыццёвы і творчы шлях Якуба Коласа" // "Новае жыццё" - 09.04.2016 г. (Інфармацыя была апублікавана і на сайце райвыканкама).
Сустрэча з польскімі калегамі
8.04.2016 г. музей наведалі сябры (члены) Польскага турыстычна-краязнаўчага таварыства (ПТКТ), філіял у г.Сандамір - экскурсаводы (48 чалавек). Для іх была праведзена польскамоўная экскурсія і адбылася зацікаўленая гутарка аб прыцягненні турыстычных груп у наш музей і, увогуле, у Навагрудак і Беларусь.
Выстаўка з музея Якуба Коласа (г.Мінск) 08.04.2016 г. пачала працу выстаўка "Якуб Колас: жыццё і творчасць", прымеркаваная да 110-годдзя пачатку яго літаратурнай дзейнасці.
На выстаўцы, якую прадаставіў дзяржаўны літаратурна-мемарыяльны музей Якуба Коласа (г.Мінск), праз фатаграфіі людзей, мясцін, твораў наведвальнікі пазнаёмяцца з біяграфіяй народнага паэта, частка жыцця якога была звязана і з Навагрудчынай. Таксама дэманструюцца 18 ілюстрацый мастакоў М.Селяшчука і Б.Заборава да паэмы Я.Коласа “Сымон-музыка”.
Асобным стэндам на выставе прадстаўлены матэрыялы са збораў нашага дома-музея (фатаграфіі і кнігі), якія паказваюць сувязь Якуба Коласа з Навагрудчынай. Выстаўка будзе працаваць да 8 мая 2016 г.
Уваходны білет на выстаўку - 6 000 рублёў, экскурсія па выстаўцы - 20 000 рублёў за групу.
Брэйн-рынг у Доме культуры 31.03.2016 г. у Вераб'евіцкім сельскім доме культуры (СДК) музей прыняў удзел (у якасці члена журы) у арганізаваным домам культуры брэйн-рынгу "Гісторыка-культурная спадчына нашага краю", удзельнікамі якога былі каманды вучняў мясцовай школы.
Усе ўдзельнікі гульні атрымалі сувенір ад дома-музея.
Літаратурна-музычная "Гасцёўня" 23.03.2016 г. ў музеі адбылася чарговая "Гасцёўня" для выкладчыкаў і гасцей Навагрудскага гандлёва-эканамічнага каледжа.
У працяг праведзенай па музею экскурсіі навучэнцы каледжа ў шляхецкіх строях 19-га ст. прадставілі невялікую літаратурна-музычную кампазіцыю.
22.03.2016 г. Гайба М. "Была ў Навагрудку чыгунка" // "Новае жыццё" - 19.03.2016. "Музей у СМІ" >>>
16.03.2016 г. супрацоўнікі музея прынялі ўдзел у трэнінгу "Маркетынг турыстычных дэсцінацый, які адбыўся пад эгідай "Праграмы развіцця ААН" ў будынку раённай бібліятэкі
09.03.2016 г. Пісар В. "Таленавітыя, прыгожыя, маладыя" (у т. аб музычна-тэатралізаваным мерапрыемстве ў доме-музеі з нагоды 8 Сакавіка) // "Новае жыццё" - 09.03.2016. "Музей у СМІ" >>>
Літаратурна-музычная гасцёўня "Для мілых дам"
04.03.2016 г. з нагоды Міжнароднага Дня жанчын ў доме-музеі адбыліся экскурсія і музычна-тэатралізаванае прадстаўленне па тэматыцы творчасці Адама Міцкевіча.
Удзельнічалі супрацоўнікі музея, раённай бібліятэкі, дзіцячай школы мастацтваў, гандлёва-эканамічнага каледжа, танцавальны калектыў "Гармонія". Прысутнічалі кіраўніцтва Навагрудскага райвыканкама, жанчыны з устаноў і арганізацый Навагрудка.
Адкрыццё "Года культуры" 26.02.2016 г. У Навагрудскім раёне (у Цэнтры культуры) адбылося афіцыйнае адкрыццё "Года культуры"
Музей правёў віртуальную прэзентацыю музея
Дзень роднай мовы
(21.02.2016 г.) Віншуем усіх з Днём роднай мовы!
Вось некалькі запісаў з музейнай Кнігі водгукаў з падзякамі (Сакратарыят Савета Рэспублікі, пагранічнікі Інстытута пагранслужбы, студэнты, школьнікі ...) - гл. фота
(Фота можна павялічыць)
Турфірма з Польшчы "NES-TUR" 06.02.2016 г. У час сустрэчы з дырэктарам Ежы Несцяруком абмеркавалі лагістыку прыезду ў Навагрудак турыстычных груп з Польшчы.
Сайт - http://turystykapodlasie.pl/
Прэзентацыя музея
адбылася 02.02.2016 г. у будынку раённага Дома культуры пры правядзенні раённага сходу па выніках работы за 2015 год. Музей прадставіў макет музея і шэраг карцін з уласных фондаў.
(Фота можна павялічыць)
Прэзентацыя выстаўкі 03.02.2016 г. адбылася прэзентацыя выстаўкі пейзажнай фатаграфіі ў стылі неаграфіка "Фарбы Беларусі" Віталя Раковіча (г.Мінск).
Выстаўка працуе да 7 сакавіка 2016 г.
28.01.2016. з экспазіцыяй і прапанаванымі паслугамі дома-музея пазнаёміліся кіраўнікі турыстычных фірмаў з г.Гродна - Сяргей Піскун (начальнік аддзела РУП "Цэнтркурорт", Таццяна Піскун - дырэктар ТАА "Фірма таксапарк" і Дар'юш-Ежы Томчык - дырэктар дома культуры г.Сейны (Рэспубліка Польшча). Дасягнута дамоўленасць аб наведванні турыстычнымі групамі музея.
Дорогою жизни. Фоторепортаж из дома-музея Адама Мицкевича
(15.01.2016.) Проект «Музеи Беларуси с БЕЛКАРТ» приглашает прогуляться дорогою жизни Адама Мицкевича. Увидеть историю жизни всемирно известного поэта можно на его родине – в доме-музее Адама Мицкевича в Новогрудке.
Читать далее и смотреть фотографии >>>
"Мир добра, волшебства и недосказанности" Пад такой назвай 14.01.2016 г. у музеі прайшоў творчы вечар Касабукіна Міхаіла Кір'янавіча, які правёў мультымедыйную прэзентацыю сваіх фатаграфічных работ. Гасцямі-слухачамі былі наведвальнікі аддзялення дзённага знаходжання людзей сталага ўзросту ДУ "ТЦСАН".
Historia, ceny (Polski) 
21.10.2016 г. Прэм'ер-міністр Рэспублікі Беларусь А.У.Кабякоў у час рабочай паездкі ў Навагрудскі раён наведаў Дом-музей Адама Міцкевіча.
Інфармацыя пра наш дом-музей уключана ў міжнародны інтэрнэткаталог прадпрыемстваў
11.08.2016 г. "К Адаму в гости" - интервью газеты "Вечерний Минск" с директором музея Николаем Гайба. Тираж газеты 110 тыс.экз.
22.04.2016 г. у Навагрудку прайшоў рэспубліканскі турнір па грэка-рымскай барацьбе памяці Адама Міцкевіча сярод навучэнцаў дзіцячых спартыўных школ.
(15.01.2016.) Проект «Музеи Беларуси с БЕЛКАРТ» приглашает прогуляться дорогою жизни Адама Мицкевича. Увидеть историю жизни всемирно известного поэта можно на его родине – в доме-музее Адама Мицкевича в Новогрудке.
