Запрашаем на выстаўкі
Дом-музей Адама Міцкевіча запрашае наведаць новыя выстаўкі, якія адкрыліся 21 снежня 2014 года.
1 - Мастацкая выстаўка “Схованкі ў Анёла” прымеркавана да дня нараджэння Адама Міцкевіча і калядных святаў. Аўтар работ Ганна Каралёва, член Саюза дызайнераў Беларусі на кожным з палотнаў адлюстроўвае анёлаў у акружэнні маленькіх дзяцей або мягкіх цацак. Работы вельмі пяшчотныя і эмацыянальныя, і будуць даспадобы як маленькім гледачам, так і дарослым.
Гл. сюжэт пра выстаўку на "Навагрудскае тэлебачанне" ("НОВО-ТВ"). Эфір з 25-й мінуты.
Уваход на выстаўку бясплатны. (выстаўка закрыта з 19.01.2015.)
2 - Выстаўка “Мураваныя замкі Гродзеншчыны XIV-XVII стст. па матэрыялах археалагічных даследаванняў”
Гл.сюжэт пра выстаўку на "Навагрудскае тэлебачанне" ("НОВО-ТВ"). Эфір з 24-й мінуты.
Выстаўка прадастаўлена Гродзенскім дзяржаўным гісторыка-археалагічным музеем. У васьмі вітрынах паказаны матэрыялы археалагічных раскопак: будаўнічы матэрыял, вырабы сярэдневяковых рамеснікаў, у тым ліку прадметы хатняга ўжытку, фрагменты рыцарскіх даспехаў і інш. На планшэтах можна пачытаць пра гісторыю Навагрудскага, Любчанскага, Лідскага, Крэўскага і інш. замкаў, якія існавалі на тэрыторыі сучаснай Гродзенскай вобласці. Праводзіцца экскурсія.
Уваход на выстаўку 6 000 бел.руб.
Рэжым работы на навагоднія святы Выхадныя дні: 25.12.2014 (Ражаство Хрыстова), 29.12.2014. (панядзялак), 01.01.2015. (Новы год), 07.01.2014. (Ражаство Хрыстова).
Усе астатнія дні музей працуе (пятніца, субота, нядзеля).
Калегі з Музея Юліуша Славацкага (Украіна) 30.11.2014 г. Па запрашэнню Дома-музея Адама Міцкевіча музей наведалі дырэктар і супрацоўнікі абласнога музея Юліуша Славацкага (г.Крэменец, Украіна).
Пад час сустрэчы была дасягнута дамоўленасць аб далейшых узаемных кантактах і абмеркаваны праекты ўзаемасупрацоўніцтва. (А.Міцкевіч, Ю.Славацкі, З.Красінскі - класікі (заснавальнікі) рамантызму ў польскай літаратуры).
(Фота можна павялічыць па кліку) Міжнародная канферэнцыя 29.11.2014 г. Міжнародная канферэнцыя ("Гасцёўня") ў Кальчунскай СШ (Ашмянскі раён, Гродзенская вобласць) - "Сустрэчы ў лістападзе-2014" да дня нараджэння Анджэя Снядэцкага, прафесара Віленскага ўніверсітэта.
У "Гасцёўні" прадставілі свае выступленні-праекты ўдзельнікі з Беларусі, Літвы, Польшчы, Украіны.
Наш Дом-музей прапанаваў сваю перасоўную выстаўку і мультымедыйную прэзентацыю музея.
(Усе фота можна павялічыць па кліку)
Прэзентацыі кніг 2.10.2014 г. Дом-музей правёў літаратурна-музычную вечарыну, дзе былі прэзентаваны кнігі "Анталогія беларускай паэзіі" і "Анталогія польскай паэзіі", выдадзеныя ў Варшаве ў 2013 г. Адным з выдаўцоў кнігі "Размовы з паэзіяй" стаў Дом-музей Адама Міцкевіча.
У прэзентацыі бралі ўдзел паэты: ініцыятар выданняў, галоўны рэдактар часопіса "Poezja dzisiaj" ("Паэзія сёння") Аляксандр Наўроцкі (Варшава), Барбара Юркоўская (Наўроцкая) - супрацоўнік выдавецтва (Варшава), Любоў Красеўская - нам. старшыні Брэсцкага абласнога аддзялення "Саюза пісьменнікаў Беларусі".
Адбылася зацікаўленая размова аб далейшым узаемадзеянні музея з польскімі літаратурнымі коламі і выдавецтвамі.
(Усе фота можна павялічыць па кліку) Музей на ІІ Нацыянальным форуме "Музеі Беларусі" 26.09.2014 г. - 27.09.2014 г. у час работы форума ў г.Гомель наш музей прадаставіў выстаўку аб жыцці і творчасці Адама Міцкевіча, друкаваную прадукцыю, а на дэманстрацыйнай пляцоўцы форума і на экспазіцыі знаёміў наведвальнікаў з 3-D віртуальным турам па музеі.
На фота: 1-экспазіцыя Дома-музея Адама Міцкевіча;
2- прэзентацыя музея на сцэне форума;
3- генеральны дырэктар Нацыянальнага мастацкага музея У.Пракапцоў; намеснік міністра культуры В.Чэрнік, генеральны дырэктар Эрмітажа М.Піятроўскі, дырэктар дома-музея А.Міцкевіча М.Гайба;
4- уручэнне музею дыплома за ўдзел у форуме. (Усе фота можна павялічыць па кліку)
Больш фота будзе апублікавана пазней.
Музей у эфіры тэлеканалаў 26.08.2014 г. у перадачы навагрудскай тэлекампаніі "Ново-ТВ" прагучала выступленне дырэктара музея М.П.Гайба аб падзеях 1-й сусветнай вайны на Навагрудчыне.
Глядзіце сюжэт з 7.25 мінуты да 14.40-й мінуты.
Дырэктар музея прыняў удзел у запісу праграмы "24 пытанні" беларускага дзяржаўнага спадарожнікавага тэлеканала "Беларусь 24". У студыі разам з вядучым Дз. Бачковым і канд. філалагічных навук Ірынай Багдановіч распавядалі аб жыццёвым і творчым шляху нашага земляка.
Перадача "Адам Міцкевіч" была паказана ў эфіры тэлеканала 30.07.2014 г. Перадачу можна "скачаць" на сайце тэлеканала.
"Рамантычнае вяселле ў доме пана Міцкевіча" (Газета "Звязда")
Дом-музей Адама Міцкевіча ў Навагрудку — гэта не звычайны музей, як можа здацца на першы погляд, з экспазіцыяй і зашклёнымі вітрынамі. Гэта сапраўды той самы дом, у якім жылі калісьці бацькі паэта і ён сам. І нават цяпер, праз два стагоддзі, будынак захоўвае атмасферу жылых памяшканняў той далёкай эпохі.
Вольга Шчарбачэвіч - артыкул у рэспубліканскай газеце "Звязда" чытаць >>> "Звязда" 29.07.2014 г. Мастацкая выстаўка
З 25.07.2014 г. экспануецца мастацкая выстаўка з фондаў нашага музея "Натхнёны Адамам Міцкевічам". На выстаўцы прадстаўлены творы Аляксея Будзейкі (г.Бабруйск), якія некалькі гадоў таму назад былі падараваны аўтарам нашаму музею.
Сустрэча з польскімі калегамі 08.07.2014 г. Дом-музей Адама Міцкевіча наведалі старшыня праўлення (дырэктар) "Замка "Ксёндж" з г.Вальбжых (Рэспубліка Польшча) і дырэктар, размешчанай у гэтым горадзе мастацкай галерэі з прапановай аб правядзенні ў іх горадзе мастацкай выстаўкі з фондаў музея.
Выстаўка да Дня Незалежнасці 03.07.2014 г. на гарадской плошчы Навагрудка Дом-музей прадаставіў выстаўку аб жыцці і творчасці Адама Міцкевіча.
Да юбілею А.С.Пушкіна
У эфіры навагрудскага тэлебачання "Ново-ТВ" (06.06.2014.) дырэктар музея Мікалай Гайба распавёў аб сувязях продкаў і нашчадкаў А.Пушкіна з Навагрудчынай. (Глядзіце з 20.00 мінуты эфіра).
З нагоды 215-годдзя з дня нараджэння расійскага паэта Аляксандра Пушкіна 6.06.2014 г. у музеі адкрылася кніжная выстаўка з фондаў музея "Они друзья по вдохновению".
У раённай газеце "Новае жыццё" апублікаваны (07.06.2014.) артыкул навуковага супрацоўніка музея Сафіі Анісімавай "Два паэты - два геніі".
Да міжнароднага дня абароны дзяцей 3.06.2014 г. музей правёў сацыяльную акцыю "У свеце дзяцінства".Выхаванцы Навагрудскага сацыяльна-педагагічнага цэнтра пазнаёміліся з экспазіцыяй музея, удзельнічалі ў музейна-педагагічным занятку "Цікавыя і невядомыя рэчы ў кухні сям'і дома Міцкевічаў", атрымалі памятныя сувеніры.
Курган Адама Міцкевіча
27 мая 2014 г. споўніся 80 гадоў ад пачатку работ па ўзвядзенню Кургана Адама Міцкевіча.
Глядзіце інтэрв'ю дырэктара Дома-музея Адама Міцкевіча М.Г.Гайба ў эфіры тэлеканала "Ново-ТВ" (з 25 мінуты эфіра).
"Шчорсаўскія чытанні" 23.05.2014 г. музей прыняў удзел у 2-х "Шчорсаўскіх чытаннях"
У канферэнцыі ("чытаннях") на тэму "Манастырскія і царкоўныя кнігазборы" прынялі ўдзел вучоныя Гродзенскага дзяржаўнага ўніверсітэта імя Я.Купалы, бібліятэчныя і музейныя работнікі.
Удзельнікі "чытанняў" наведалі Лаўрышаўскі манастыр і памятныя мясціны вёскі Шчорсы.
Да міжнароднага дня музеяў (18 мая)
- 13.05.2014 г. у музеі адбылася літаратурна-музычная вечарына "Жанчыны-музы ў жыцці Адама Міцкевіча" у якой удзельнікамі і гледачамі (60 чалавек) былі навучэнцы Навагрудскага гандлёва-эканамічнага каледжа.
- 17 і 18 мая для турыстычных груп у музеі дэманстраваўся відэафільм "Непрызнаны паэт" і відэапрэзентацыя "Жанчыны-музы ў жыцці Адама Міцкевіча".
- 17 мая адкрылася выстаўка "На сямі вятрах", прадастаўленая мінскім клубам "Прырода і фантазія".
Фатаграфіі можна павялічыць па кліку "мышкі". "Тропами Адама Мицкевича" Новогрудок – Валевка – оз. Свитязь – Щорсы – Любча – оз. Литовка
Экскурсия-анимация «Тропами Адама Мицкевича» это потрясающая возможность пройти тропами известного поэта по Новогрудчине, а именно:
- посетить дом-музей Адама Мицкевича и погрузиться в атмосферу жизни и быта белорусской шляхты конца 18 века;
- послушать стихи и музыку эпохи Мицкевича;
- увидеть старинный Новогрудок и познакомиться с разнообразными памятниками Новогрудчины, нашедшими отражение в поэзии Мицкевича (Любча, Щорсы, оз. Литовка);
На протяжении всей экскурсии Вас будут сопровождать опытные аттестованные экскурсоводы.
Подробнее: >>> Сайт туристско-информационного центра г.Новогрудка Выстаўка ікон
У час пасхальных святаў музей экспануе выстаўку "Под покровом Всевышнего", на якой прадастаўлены іконы 18-19 стст. з фондаў Дома-музея Адама Міцкевіча.
Выстаўка будзе працаваць да 15.05.2014 г.
Выстаўка "Адпачынак-2014" 10.04.2014 г. Дом-музей А.Міцкевіча прыняў удзел у міжнароднай выстаўцы "Адпачынак-2014" (г.Мінск) на якой ад Навагрудскага раёна была прадстаўлена літаратурна-біяграфічная экскурсія "Шляхамі Адама Міцкевіча".
Прэзентацыя музея
23.03.2014 г. У дзень правядзення выбараў дэпутатаў у мясцовыя Саветы дэпутатаў музей дэманстраваў сваю выстаўку-прэзентацыю непадалёк ад аднаго з выбарчых участкаў па вуліцы А.Міцкевіча.
(Фота можна павялічыць па кліку)
Нашчадкі Святаполк-Мірскіх у музеі
11.03.2014 г. Наш музей наведалі калегі з музея "Замкавы комплекс Мір", а таксама Ева і Антоні Беліна-Бжазоўскія - нашчадкі апошняга ўладальнімка Мірскага замка Святаполка-Мірскага.
(на фота (можна павялічыць па кліку)
Е. і А.Бжазоўскія справа).
ІНФАРМАЦЫЯ
Cтаронка Дома-музея А.Мiцкевiча на
>>>
Старонка Дома-музея А.Мiцкевiча
>>>
Дом-музей Адама Міцкевіча ў Навагрудку - не толькі біяграфічная музейная экспазіцыя - гэта і музей "пад адкрытым небам".
Тут адноўленая шляхецкая сядзіба пачатку 19 стагоддзя: дом, флігель, клець, калодзеж, альтанка.
Сярод экспанатаў: асабістыя рэчы (гадзіннік, акуляры). У экспазіцыі - рэчы, звязаныя з А.Міцкевічам і яго акружэннем.
У падвальных памяшканні музея і падземным пераходзе, які злучае дом з флігелем, праводзяцца выстаўкі. З іх тры - пастаянныя: “Святло кухні Міцкевічаў”, “Малюнкі сельскага жыцця” і “Паэма “Пан Тадэуш” – праз гады і народы”.
Historia, ceny (Polski) 
ENGLISH
>>> 
>>> 
